Það var ánægjuleg umræða (á 15. mín., 48) sem fram fór á Alþingi um þjóðkirkjuna í dag. Jákvæð umræða og greinagóð þar sem bæði þingmenn stjórnar og stjórnarandstöðu tóku til máls um þjóðkirkjuna en frumkvæði að þeirri umræðu átti Þórarinn Ingi Pétursson, þingmaður Framsóknarflokksins. Dóms- og kirkjumálaráðherra, Þorbjörg Sigríður Gunnlaugdóttir, úr Viðreisn, var til svara.
Í umræðunni kom fram góður og jákvæður skilningur á starfi þjóðkirkjunnar um allt land. Iðulega bar á góma í umræðunni þakklæti til þjóðkirkjunnar og þá einkum fyrir hið mikilvæga hlutverk hennar í sálgæslu. Þessi umræða er fagnaðarefni einkum í ljósi þess að á síðustu þingum hafa margir kirkjuandstæðingar látið kveða að sér og verið neikvæðir og önugir í garð kirkjunnar. Nú er andinn annar á Alþingi og er það vel.
Þjóðkirkjan hefur líka staðið sig vel og vandað til verka sinna þó að stundum hafi hún gert mistök en af þeim hefur hún lært.
Segja má að þjóðkirkjan sé ein stærsta lýðræðishreyfing landsins. Henni ber líka lögum samkvæmt að viðhafa lýðræðisleg vinnubrögð:
Þjóðkirkjan skal í starfsháttum sínum hafa í heiðri grundvallarreglur jafnræðis og lýðræðis.
Þess vegna hefur kirkjuþing rætt rýmkun kosningaréttar til kirkjuþings og biskupskosninga. Á nýliðnum fundi kirkjuþings var lögð fram ítarleg og mjög athyglisverð skýrsla með ýmsum hugmyndum um hvernig rýmka megi kosningaréttinn. Þjóðkirkjan stendur frammi fyrir mikilli áskorun þegar kemur að því að hleypa fleirum að kosningum til kirkjuþingsins sem er æðsta valdastofnun kirkjunnar og þegar velja skal forystumenn hennar, biskupa. Næst þegar kirkjuþing kemur saman mun það ræða umrædda skýrslu.
Í umræðunni kom meðal annars fram jákvætt viðhorf til þess að þjóðkirkjan standi öllum opin og þjóni fólki án tillits til trúarbragða:
Þjóðkirkjunni ber að halda úti vígðri þjónustu á landinu öllu og tryggja að allir landsmenn geti átt kost á henni. (3. gr. laga um þjóðkirkjuna frá 2021).
Það var ánægjuleg umræða (á 15. mín., 48) sem fram fór á Alþingi um þjóðkirkjuna í dag. Jákvæð umræða og greinagóð þar sem bæði þingmenn stjórnar og stjórnarandstöðu tóku til máls um þjóðkirkjuna en frumkvæði að þeirri umræðu átti Þórarinn Ingi Pétursson, þingmaður Framsóknarflokksins. Dóms- og kirkjumálaráðherra, Þorbjörg Sigríður Gunnlaugdóttir, úr Viðreisn, var til svara.
Í umræðunni kom fram góður og jákvæður skilningur á starfi þjóðkirkjunnar um allt land. Iðulega bar á góma í umræðunni þakklæti til þjóðkirkjunnar og þá einkum fyrir hið mikilvæga hlutverk hennar í sálgæslu. Þessi umræða er fagnaðarefni einkum í ljósi þess að á síðustu þingum hafa margir kirkjuandstæðingar látið kveða að sér og verið neikvæðir og önugir í garð kirkjunnar. Nú er andinn annar á Alþingi og er það vel.
Þjóðkirkjan hefur líka staðið sig vel og vandað til verka sinna þó að stundum hafi hún gert mistök en af þeim hefur hún lært.
Segja má að þjóðkirkjan sé ein stærsta lýðræðishreyfing landsins. Henni ber líka lögum samkvæmt að viðhafa lýðræðisleg vinnubrögð:
Þjóðkirkjan skal í starfsháttum sínum hafa í heiðri grundvallarreglur jafnræðis og lýðræðis.
Þess vegna hefur kirkjuþing rætt rýmkun kosningaréttar til kirkjuþings og biskupskosninga. Á nýliðnum fundi kirkjuþings var lögð fram ítarleg og mjög athyglisverð skýrsla með ýmsum hugmyndum um hvernig rýmka megi kosningaréttinn. Þjóðkirkjan stendur frammi fyrir mikilli áskorun þegar kemur að því að hleypa fleirum að kosningum til kirkjuþingsins sem er æðsta valdastofnun kirkjunnar og þegar velja skal forystumenn hennar, biskupa. Næst þegar kirkjuþing kemur saman mun það ræða umrædda skýrslu.
Í umræðunni kom meðal annars fram jákvætt viðhorf til þess að þjóðkirkjan standi öllum opin og þjóni fólki án tillits til trúarbragða:
Þjóðkirkjunni ber að halda úti vígðri þjónustu á landinu öllu og tryggja að allir landsmenn geti átt kost á henni. (3. gr. laga um þjóðkirkjuna frá 2021).
